Monday, April 29

لساني معئود

لساني معئود

لساني معئود .. ومسكت العود أغنيلك
يا ليل بلادي مالك طويل طول النخيل
وعشان بلادي آجي على نفسي وأعليلك
شوق الفرح غايب عليل ومُنيتي في مواويلك

يا عين بلادي مالية دموع .. عطش مزروع ..
يطرح خوف فى ارض بور ولما تيجي تعطشي أنا ارويلك

عيون سهارى مستنيين يلوح فجرك يمكن توصل مراسيلك
مَحنش شايفين ادام خطانا ولا عارفين لفين راحين وبشكيلك
جرحتي قلبي برقتك ودمعتك سيف بيكوي ضحكتي وخوفت عليكي أوريلك
لو فرحتك ابقى شهيد وانام فى حضنك زي الوليد افتحي دراعك وههديلك
مليون حبيب ومليون وليد ومين يزيد .. دا لجل ترابك هنديلك

ظالم جبان هيتمحي جوة الكفن وهتسمعي صوت الحبايب تناديلك

يا ام السمار عيون بريئة مفتحة كنوز شبابك مصبّحَة واخليلك
كل غالى لجلك رخيص بس ترضي واضحيلك
ولو مليتي محبتي وضاقت بيكي محنتي
جربي توب حنيتي وارتاحي فى حضني ... وأنا أشيلك

.
.
امرأة لاجئة
26/11/2011